Ըստ ուս. պլանի ընտրությամբ գործունեության պարապմունքները նախատեսված են անցկացնել շաբաթական չորս դասաժամ: Ուսուցումը կազմակերպվում է ուսումնական նախագծերի հիման վրա: Իրականացվում են կրթահամալիրի օրացույցով հաստատված նխագծերը և դասավանդողի հեղինակային նախագծերը:
Առարկայի նպատակը՝
Դիզայն ընտրությամբ գործունեության հիմնական նպատակն է , սովորողներին ուսուցանել և փոխանցել արվեստի , արվեստագետների տարբեր փորձառություններ , ըստ ժամանակաշրջանի և բովանդակության : Ծանոթացնել պատմական և արդի պրակտիկաներին : Օգնել սովորողներին սեփական մտքերն ու ինտերպրետացիաները իրականացնել կրթահամալիրի լաբորատորիաներում , դպրոց-պարտեզի շրջակա միջավայրում , կրթահամալիրի տարբեր նախագծերի միջոցառումների շրջանակում : Սովորողի տեսական գիտելիքները գործնականում կիրառելը որպես ուսումնական պրոցեսի բաղկացուցիչ մաս (Մանկավարժական արտադրական պրակտիկա ) : Դիզայն մտածողությունը օգնում է սովորողին ուշադիր լինել իրականությանը , մեզ շրջապատող նշաններին , ստեղծել նոր նշաններ , նոր բովանդակություններ և նոր էսթետիկա : Դիզայն մտածողությամբ , դիզայնի տարբեր ուղղություններով հնարավոր է արտահայտել աշխարհայացք , հարցադրումներ , քննադատություն և այլ հղումներ : Կարևոր է նաև միևնույն գաղափարի շուրջ հավաքականությունն ու թիմային աշխատանքը , աշխատանքի բաժանումը , միմյանց օգնելն ու իրարից սովորելը : Բացի աշխատանքի հրճվանքից , այս առարկան իր մեջ պարունակում է գիտական , ուսումնական դիսցիպլին որի շնորհիվ սովորողը դրսևորվում և դաստիարակվում է : Դիզայն գործունեությունը դա պարզապես դպրոցի ինտերիեր-էքստերիեր ձևավորել , կամ բարեկարգման աշխատանք չէ , բայց դրանք առիթներ են սովորողների մոտ պրակտիկ փորձ ձեռք բերելու համար :
Գործնական բնույթ ունեցող աշխատանքների ուղղությունները
*ուսումնական նախագծի կազմում
*ուսումնական նախագծի փուլերով իրականացում
*ուսումնական աշխատանքների ցուցադրության կազմակերպում
Ուսումնական նախագծերին անհրաժեշտ գործիքներ և նյութեր
Գծագրական թուղթ, հասարակ մատիտ, ռետին, գուաշ, ջրաներկ, կարկին, քանոններ, ռեզակ, սիլիկոնե ատրճանակ, ստեպլեր, մկրատ, սկոչ, էմուլսիա` սրանք այն հիմնական պարագաներն են, որոնք որպես առաջին անհրաժեշտության պարագաներ անհրաժեշտ են ձեռքի տակ միշտ ունենալ:
Կան նաև նյութեր, որոնք ձեռք են բերվում կոնկրետ նախագիծը իրականացնելու նպատակով, օրինակ կտորեղեն, ակրիլ, ցեմենտ, նրբատաղտակ, նիտրո ներկեր և այլն: Նախագծի ավարտից հետո այդ ամենը խնամքով պահեստավորվում է, նոր նախագծերում օգտագործվելու նպատակով:
Անուշ Դավթյանի բլոգ 